Balkon dekorasiyası bütün evi tamamlayan vacib hissələrdən biridir. Balkonların yaxşı görünməsi üçün dekorasiyasına fikir vermək lazımdır. Lazımi diqqəti göstərdiyinizdə balkon həm evinizi, həm də həyatınızı gözəlləşdirir, sevdiklərinizlə gözəl vaxt keçirəcəyiniz bir mühitə çevrilir. Buna görə də düzgün araşdırılmalı və balkon dekorasiyasının uğurlu nümunələrindən ilham alınmalıdır. Balkonunuzu düzgün planlaşdırma ilə daha funksional və estetik bir məkana çevirə bilərsiniz. Aşağıda balkonunuzu evinizin ən sevdiyiniz hissəsinə çevirəcək dekorasiya idealarını sizinlə paylaşdıq. Balkonunuzu necə dekorasiya etməyiniz şəxsi zövqünüzdən aslıdır. Ancaq bu yazını oxuyaraq dizaynınızı yaxşılaşdırmaq üçün edə biləcəyiniz yeni fikirlər tapa bilərsiniz.
Düzgün planlaşdırma ilə balkonunuzu daha funksional və estetik bir məkana çevirməyin yolları
Rahatlığınızı ön planda saxlayın: Dekorasiyada edilən səhvlərdən biri gözəl göstərmək üçün rahatlıqdan imtina etməkdir. Rahat olmadığınız bir mühitdə xoşbəxt olmaq mümkün deyil. Bu səbəbdən də sizi xoşbəxt edəcək nüansları müəyyənləşdirməlisiniz. Balkonunuzu dizayn edərkən öz zövqünüzə və həyat tərzinizə uyğunlaşdırmalısınız.
Balkon döşəməsinə süni ot əlavə edə bilərsiniz: Döşəmələrin dizaynı vacib bir amildir. Həm təbii bir görüntü yaratmaq, həm də qışda və yayda balkonlarınızı gözəlləşdirmək üçün süni otdan istifadə edə bilərsiniz.
Xalçadan istifadə balkonunuzu daha geniş göstərəcəkdir: Balkonunuz kiçikdirsə, böyük bir xalça istifadə edərək balkonunuzu daha böyük və daha geniş göstərə bilərsiniz.
Kreslolar portativ olmalıdır: Balkon dekorasiyası tez-tez dəyişə bilər. Buna görə də portativ stullardan istifadə rahatlığınızdan əlavə ani dekorasiya dəyişikliyi zamanı faydalı olacaqdır. Balkon dekorasiyasını yaxşılaşdırmaq üçün incə haşiyəli ev əşyalarından istifadə edə bilərsiniz. İncə masa və stullar zərif bir görüntü yaradacaqdır.
Yastıqlar rahatlıq gətirir: Balkonu dekorasiya edərkən rahatlığın böyük əhəmiyyət daşıdığını qeyd etmişdik. Siz də rahatlığınız üçün yastıqlardan istifadə edə bilərsiniz. İstifadə edəcəyiniz yumşaq yastıqların çoxluğu sizi rahat bir mühitlə təmin edə bilər.
Balkonunuzu bitki bağına çevirin: Balkonda bir çox dibçək bitkisi yetişdirə bilərsiniz. məs: nanə, kəklikotu, reyhan və s. bitkiləri yetişdirmək həm vizual görüntü yaradacaq, həm də yaşıllıqdan uzaq olduğumuz bu illərdə sizi təravətləndirəcək. Dibçək çiçəklərinə də üstünlük verə bilərsiniz. Çiçəklər insan ruhuna sakitlik qatır, insanları xarici görünüşləri və qoxuları ilə ovsunlayır.
Mənzərədən faydalanın: Eyvanınızın gözəl mənzərəsi varsa, onu bağlamayın. Diqqəti mənzərəyə yönəldərək, mebelləri üfüqi istiqamətdə yerləşdirməyə çalışın.
Balkonunuza romantik işıqlandırma əlavə edin: Axşam saatlarında balkonunuzda daha rahat, sakit və romantik bir mühit yaratmaq üçün sarı və ya LED işıqlardan faydalana bilərsiniz. Bu işıqlandırmaların balkonunuza fərqli bir atmosfer qatacağını unutmayın!
